Исо Масиҳнинг хушхабари

Дўстим, сиз бу саҳифага, Исо Масиҳ ҳақидаги Хушхабарни сиз билан кимдир бўлишгани учун ташриф буюрдингиз.

Бу Хушхабар сиз, оилангиз ва дўстларингизнинг ҳаётини абадий ўзгартириш кучига эга. Бундан анча йиллар олдин пайғамбарлар, Худонинг Хушхабари яъни гуноҳларни кечириш орқали янги ҳаёт олиб келадиган Нажоткор ҳақида гувоҳлик берганлар. Бу Нажоткор Исо Масиҳдир.

У Худонинг Ўғли деб аталади, чунки Исо дунё яратилишидан олдин Худо билан мавжуд эди. У ер юзида Муқаддас Руҳнинг кучи орқали Maрям исмли бокира қиз орқали туғилган. Фаришталар У Нажоткор эканини туғилганидаёқ эълон қилишди. Исо ер юзида бўлган вақтида, кўп касалларга шифо берган, кўр, майиб одамларни ва ҳатто ўликларни тирилтирган. У кўп жинларни ҳам қувиб чиқарган.

Исо одамлар Унга эргашишлари, қалблари пок бўлишлари ва ўз яқинларини ўзлари каби севишлари кераклигини ўргатган. Ёвуз одамлар Исони хочда ўлдирдилар, лекин Худонинг назарида эса, Исо ҳар бир инсоннинг гуноҳкорлиги учун уларнинг ўрнига ўлаётган эди. Худди У айтганидек, Исо уч кундан кейин ўлимдан тирилди. Қирқ кундан кейин Исо Осмонга кўтарилди ва Шоҳ бўлиб Худонинг ўнг томонига ўтирди. У ниҳоят Ўз халқининг барча вакилларини қутқариш ва Унга эргашмаган одамларни ҳукм қилиш учун Қиёмат кунида ер юзига қайтиб келадиган кунгача у ерда қолади.

Исо Осмонга кўтарилгандан сўнг, Муқаддас Руҳ, гуноҳларнинг кечирилишини белгиси сифатида, Худонинг Қиёмат кунига, Исога эргашадиган барча инсонларни тайёр қилиш ва ҳар бир халқдаги одамлар билан Хушхабарни бўлишишга куч бериш учун берилган. Ўша вақтдан бошлаб, миллионлаб одамлар Исога эргашдилар ва Унинг кучини бошдан кечирдилар. Сизни ҳам Унга эргашишга таклиф қиламиз.

Агар Исо ҳақида кўпроқ билишни ва Унга қандай қилиб эргашиш керак эканлигини истасангиз, Янги Аҳддан бу китобларни ўқишингиз ёки тинглашингиз мумкин, бу Худонинг Каломидир.

Бундан ташқари, бу ерда Исонинг ҳикоясини тинглашингиз мумкин.